Konsensusi me opozitën është rekomanduar si domosdoshmëri për reformën, nga Komisioni i Venecias
Kryetari i Komisionit të Reformës në Drejtësi, Fatmir Xhafaj, tha sot se mazhoranca është gati të pranojë çdo zgjidhje me opozitën për të finalizuar reformën. Ky qëndrim vjen dy ditë pas publikimit të raportit të Komisionit të Venecias për draftin e mazhorancës për Reformën në Drejtësi.
Në një bashkëbisedim me gazetarët Xhafaj tha se reforma në drejtësi duhet jetë një process i shpejtë dhe përmes zgjidhjeve radikale. “Procesi duhet të jetë i shpejtë, konstruktiv dhe konsensual. Opozita të kuptojë se institucionet nuk ndahen si parcela e sipas orekseve”, tha Xhafaj. Ai u shpreh se është naïve dhe pa dobi e përfitime politike të thuhet qe Venecia ka rrëzuar pr/ligjin.
Po ashtu kreu i komisionit të Reformës në Drejtësi, Xhafaj tha se Komisioni i Venecias ka mbështetur uregjencën për reformën në drejtësi duke mohuar se Venecia rrëzoi draftin e mazhorancën . “Opinioni i Venecias ka vlerësuar kontributin e ekspertëve të reformës në drejtësi. Ne mirëpresim rekomandimet e Komisionit”, u shpreh Xhafaj.
