Ministri i Drejtësisë sygjeron një organizim të ri të sistemit të drejtësisë
Ministri i Drejtesise, Ylli Manjani, i propozon komisionit të Reformës në Drejtësi krijimin e 12 Gjykatave të Faktit, dhe reduktimin nga gjashtë një katër, Gjykata Apelit. Përmes një letre drejtuar Komisionit të refromës në Dejtësi, Manjanisqarons e ky organizim I sistemit të drejtësisë do të ndikonte në rritjen e efektivitetit te ketij sistemi.
“Po hedh për diskutim publik një ide fillestare e cila synon të harmonizojë në mënyrën më të mire të mundshme të dy standartet, që duket sikur kundërshtojnë njëri-tjetrin. Propozimi im është që të krijohen 12 gjykata fakti në rrethet gjyqësore që korrespondojnë me territorin e qarkut. Nga ana tjetër, maksimalisht në çdo bashki dhe minimalisht aty ku ka ndërtesa gjykatash që sot funksionojnë, do të ofrohet shërbimi i gjykimit si sot. Pjesa e dytë e propozimit tim është që të reduktojmë gjykatat e apelit nga 6 në 4. Nisur nga sugjerimet e CEPEJ, por edhe nga logjika e përdorur për organizimin gjyqësor të gjykimit në shkallë të parë, gjykoj se duhet krijuar një gjykatë apeli që të mbulojë rajonin e Veriut me qendër në Shkodër, një gjykatë tjetër apeli që të mbulojë Shqipërinë e mesme me qendër në Tiranë, një gjykatë në Fier që të mbulojë Jugun dhe Jug-Perëndimin dhe një gjykatë në Korçë që të mbulojë Jug-Lindjen”, theksohet në letrën e Manjanit.
