Edi Rama ka folur në parlament për rastin e abuzimit seksual të 15-vjeçares nga Kamza. Kryeministri tha se 65-vjeçari që abuzoi seksualisht me 15-vjeçaren duhet të paguajë shtrenjtë, dhe shfrytëzoi foltoren e kuvendit për të dhënë se gjuha e përdorur nga politikanët dhe gazetarët, është ajo që i shton më shumë benzinë zjarrit dhe nuk e shuan atë.
Madje Rama paralajmëron se mënyra sesi diskutohet, do të ndikojë negativisht, duke i shtyrë vajza të tjera të abuzuara drejt vetëvrasjes, më përpara se ato të hapin gojën, raporton newsbomb.al.
Fjala e Ramës në Kuvend për rastin…
Ato që thua janë, nuk është se nuk ekzistojnë. Por po ta them ty, po ta ilustroj ty atë që dua të them: të kam dëgjyar kur flet këtu kthehesh këtej dhe thua: vazhdoni vidhni, ju jeni hajdutë etj etj. Çfarë mendon një fëmijë kur të dëgjon ty? Çfarë do mendoje ti si prind, nëse mësuesja të vjen dhe të thotë që: çuni jot të ngrihet në klasë dhe të thotë “ju jeni hajdutë”, “ju vidhni”, “fytyra juaj flet vetë”? Cfarë do i thoje “bravo se e bëre si babi”? Jo, do ti thoje “mos shif babin se babi ashtu e ka një punë”. E pra këtu fillon, tek shembulli i komunikimit.
Unë nuk mendoj që nëse dikush këtu më thotë mua “gomar” po bën ndonjë krim; gomar është një opinion i shprehur në mënyrë të vrazhdë dhe mund të merret dhe si fyerje. Nuk është Ok por s’ka problem. Por nëse unë që jam përpjekur të jem gjithmonë i ashpër kur ka qenë nevoja, do të thosha edhe Sali Berishës “ti je hajdut”, “ti je kriminel”, “vrasës” do të më vinte zor nga vetja. Nuk më kujtohet të më ketë shpëtuar një gjë e tillë e drejtpërdrejtë sepse është kulmi i shkeljes mbi prindërit e mi, mbi gjyshen time, mësuesen dhe veten. Se është fundi. Kur arrin aty nuk ke më argumenta, dhe as gjuhë për të rrotulluar. Ke shumë fjalë për të thënë diçka. Në momentin që I thua tjetrit “je hajtut”, kjo është akuzë penale…
Nëse e shikoni fjalorin vulgar, me 32 fjalë shqip, çorbën e gjuhës që përdoret në politikën dhe medians hqiptare dhe i bëjmë pyetjen vetes: ky fjalor është me vajzën apo me mostrën. Ky fjalor nuk i shkon asaj vajzës…ky fjalor është gjuha dhe gramatika e sjelljes së atij mostrës. Pastaj ai shkon në atë ekstrem dhe duhet të paguajë shtrenjtë për atë, ndërkohë që fjalët dalin nga gjuha, gjuha kocka s’ka, por kocka thyen, dhe ju…dmth nuk e di cfarë flet ti, por të gjithë ata që kanë përdorur gjuhën me demek për të shprehur indinjatën, i kanë thyer kockat asaj të miturës me gjuhën e tyre, kjo është e vërteta…dhe ju rrofte tangëlleku e denglat në media sepse janë pjestarë bashkëfajtorë të thyerjes së kockave të vitimës.
Këto janë rastet kur duhet menduar shumë më parë si prind. Se larg qoftë nëse njërit atyre që bëjnë llapa llapa, t’i ndodhte në shtëpinë e vet, do kërkonte që askush të mos merrej me njeriun e tyre dhe të mendojë si pjestar me një peshë të caktuar në familjen e madhe shqiptare. Kush nuk e bën do sdo është bashkëautor në thyerjen e kockave të vajzës që ka një dhimbje të pangushëllushme dhe gjuha e përdorur e shkatërron dhe gjunjëzon gjithë të tjerat si ajo që duke dëgjuar këto, thonë: nuk do flas, do vras veten. Dhe mos u cudisni kur ti shihni të vrasin veten sesa të hapin gojën…
