Ministria e Arsimit premton se në ditën e parë të shkollës të gjithë nxënësit do të jenë të pajisur me të gjithë librat, raporton Gazeta Shqip.
Ministria e Arsimit ka reaguar në lidhje me mungesën e teksteve. Ashtu si një vit më parë edhe sivjet fëmijët nuk i kanë të gjitha tekstet në libraritë përkatëse. Ministria premton se në ditën e parë të shkollës që të gjithë nxënësit do të jenë të pajisur me të gjithë librat.
Zamira Gjini, drejtoreshë e arsimit parauniversitar është shprehur: “Tekstet shkollore janë për të gjithë nxënësit. Ato ndodhen në çdo mjedis si librari apo shkolla. Tekstet e reja janë porositur që në muajin janar. Një pjesë e botuesve nuk kanë marrë pullën. Pulla do të jepet deri ditën e enjte”.
Gjini ka shtuar se tekstet janë fizikisht, por mungon vetëm pulla dhe sipas saj kjo ka ndodhur për shkak të procedurave administrative.
