“Shqipëria mbetet një vend i rëndësishëm për kultivimin e marijuanës”.
Është ky konkluzioni i Raportit Ndërkombëtar të Departamentit Amerikan të Shtetit, mars 2017.
Në raportin e DASH për çështjen e lëndëve narkotike dhe shkallën e zbatimit të ligjit thuhet se rritja e kultivimit të kanbisit është shoqëruar edhe me rritjen e sekuestrimit të kësaj lëndë si dhe të arrestimeve.
Në raport thuhet se sipas Policisë së Shtetit Shqiptar në vitin 2016 u sekuestrua një total prej 30.14 tonë marijuanë, si dhe dhe janë asgjësuar 2,4536,288 bimë kanabis, ndërsa numri i arrestimeve për vitin 2016 ka qenë 1,349.
Raporti i plotë i Departamentit Amerikan të Shtetit për Shqipërinë
Shqipëria mbetet një vend i rëndësishëm ku kultivohet marijuana por edhe një rrugë tranziti për kokainën dhe heroinën e destinuar për tregjet europiane. Ndërsa autoritetet shqiptare kanë raportuar një rritje të arrestimeve dhe shkatërrim të plantacioneve të marijuanës në vitin 2016, ka pasur raporte të rritjes së kultivimit të kanabisit. Autoritetet shqiptare kanë intensikuar bashkëpunimin me Italinë dhe vëzhgimet nga ajri janë rritur.
Me përjashtim të kanabisit, Shqipëria nuk është një prodhues i rëndësishëm i drogave të paligjshme, si kimikatet pararendës apo drogat sintetike.
Sipas Policisë së Shtetit Shqiptar në vitin 2016 u sekuestrua një total prej 30.14 tonë marijuanë, si dhe dhe janë asgjësuar 2,4536,288 bimë kanabis. Fluturimet e Guardia di Finanza kanë identifikuar 2,086 plantacione të dyshuara të mbjella me kanabis duke vënë re një rritje të pesfishtë të kultivimit. Policia e Shtetit gjithashtu ka sekuestruar 57.33 kg heroinë dhe 16.7 kilogramë kokainë.
Policia e Shtetit, duke përfshirë policinë kufitare, arrestoi 1,349 persona për vepra të lidhura me trafikimin e drogës gjatë vitit 2016. Prokurorët e Krimeve të Rënda kanë hetuar 273 procedime penale për trafikim të narkotikëve. Nga ky total, 115 hetime janë të bartura nga vitet paraprake, ndërsa 158 hetime janë iniciuar në vitin 2016. Në vitin 2016 Prokuroria ka dërguar 55 raste në gjykatë kundër 81 të pandehurve. Gjykata e Krimeve të Rënda ka dhënë 65 vendime ku ka të shpallur fajtorë për këtë krim.
Shqipëria vazhdon të marrë ndihmë nga vendet e Shteteve të Bashkuara dhe Bashkimit Evropian për të rritur kapacitetet e saj në luftën kundër drogës. Qeveria ka zbatuar 31 operacione të përbashkëta me agjencitë ndërkombëtare të zbatimit të ligjit deri në tetor, kryesisht në bashkëpunim me autoritetet italiane. Shtetet e Bashkuara vazhdojnë të ofrojnë asistencë për menaxhimin e kufirit si dhe për analizat që të identifikohen trafikantët e mundshëm.
Në vitin 2016, Shtetet e Bashkuara të Amerikës ofruan një kurs trajnimi dy javor për anëtarët e rojes bregdetare shqiptare dhe Policisë Kufitare për të rritur kapacitetin e tyre. Për të reduktuar kërkesën për droga të paligjshme, Minsitria e Arsimit të Shqipërisë mbështutur nga SHBA në vitin 2016 ka vijuar ndërgjegjësimin mbi rrezikun e drogës në 365 shkolla fillore publike , duke përfshirë mbi 30.000 nxënës.
