Kreu i Grupit Parlamentar të PS, Taulant Balla i është përgjigjur presidentit Ilir Meta, lidhur me debatin për Reformën në Drejtësi.
Ndërsa Meta ironizon duke e cilësuar “Ramaforma”, Balla, sot nga foltorja e Kuvendit ka paralajmëruar presidentin se do të marrë përgjigjen e duhur nëse guxon ta pengojë realizimin e saj.
“Reforma në Drejtësi nuk negociohet, por vetëm zbatohet. E dëgjova sot në sallë, emrin e heroit Avni Rustemi, i cili ka disa ditë që rrotullohet në varr se po ia shpërdorojnë emrin njerëz që skano lidhje me të. Ky Kuvend duhet ta refuzojë këtë dekret të presidentit, i cili u kujton shqiptarëve se është pjesë e një grupi që bën cdo gjë për të penguar reformën në drejtësi, hyrjen në fuqi lidhin e rëndësishëm pjesë e paketës së reformës në drejtësi që u miratua në sallë, sot t’i japim përgjigje presidentit përsëri, se kuvendi është autoriteti më i lartë e kush guxon të pengojë sadopak reformën në drejtësi do të marrë një përgjigje e cila e ka vendosur vendin në një linjë me SHBA dhe BE. Ajo zyrë duhet liruar urgjentisht për të rivendosur autoritetin e presidentit si figurë që duhet ta bashkojë Shqipërinë, jo ta shndërrojë presidencën në një seli të asaj që ka mbetur nga opozita pas 30 qershorit”, u shpreh Balla.
