Idrizi: “Mbetem besimplotë se do të gjendet konsensusi për të miratuar reformën në drejtësi. Tre ekspertët negpociatorë do të mund të gjejne konsensusin”
Kryeministri Rama u takua sot me kryetarin e PDIU-së, Shpëtim Idrizi, për të diskutuar reformën në drejtësi. Në takim është konfirmuar vota pro e deputetëve të PDIU-së për reformës. Takimi i Idrizit me Ramën vjen në një situatë kur ende nuk dihet qartësisht në se të gjitha votat e mazhorancës do të jenë pro reformës në drejtësi. Pas takimit Idrizi tha: “Mbetem besimplotë se do të gjendet konsensusi për të miratuar reformën në drejtësi. Tre ekspertët negpociatorë do të mund të gjejne konsensusin”.
Një natë më parë Kryetari i LSI-së, Ilir Meta, deklaroi se 20 votat e partisë së tij do të jenë pro reformës. Megjtihatë Meta vazhdon të kërkojë miratimine kësaj reforme me konsensusin e opozitës. Vetë Meta kishte deklaruar një ditë më heret se zgjidhje mund të jetë edhe qeveria teknike dhe zgjedhjet e parakohëshme.
