Kreu i qeverisë ka reaguar më në fund pas konferencës së pazakontë për shtyp të kryetarit të Kuvendit.
Pas diplomatëve të huaj, ai ka pranuar ftesën për t’u ulur në një tryezë më të gjerë, për të gjetur fjalën në lidhje me reformën në drejtësi. Ja cili është komunikimi i tij i shkurtër në rrjetet sociale:
“I gatshëm të ulem në çdo moment në tryezën e propozuar nga I.Meta! Çdo diskutim sy me sy për Reformën në Drejtësi deri në 21korrik ia vlen.”
Por, kreu i qeverisë nuk ka shpenzuar asnjë fjalë në lidhje me një krizë të mundshme qeveritare, e cila shoqërohet me krijimin e një qeverie ekspertësh, gjë që Ilir Meta e propozoi në mesditës e së djelës.
