Në mbledhjen e sotme të Grupit Parlamentar të PS-së, kreyeqeveritari Rama rikonfirmoi se shumë shpejt do të sjellë në kuvend paketën antishpifje.
“Shumë shpejt do t’i sjellim Kuvendit paketën antishpifje, jo për të mbyllur rrugën e lirisë së shperhjes por që secili t’i dalë për zot asaj që thotë. Paketa do të jetë e standaredeve europiane”, ka thënë Rama.
Duke akuzuar opozitën, Rama deklaroi se qeveria e tij e ka trazuar si asnjëherë më parë krimin. Sipas Ramës PD-ja nuk bëri asgjë kur ishte në pushtet kundër kanabizimit të vendit dhe krimit.
“Po sulmohemi njësoj si në kohën kur hymë në Lazarat dhe bëmë atë që askush nuk e kishte menduar për kanabisin. Si askush më parë ne po e trazojmë krimin, ne kemi rrënjosur frymën e goditjes. Akuzuesit janë ata që nuk bënë asgjë kundër kanabisit dhe kundër krimit edhe pse kanë qenë në krye të qeverisë për tetë vite”, u shpreh Rama.
https://www.facebook.com/edirama.al/videos/1259092924263524/
