“Ngujimi në atë çadër është ngujimi që vjen prej një frike shumë të madhe, frika nga drejtësia”. Kështu i tha opozitës Kryeministi i vendit dhe njëherësh kryetari i PS, Edi Rama.
Nga Shkodra ku po zhvillonte një takim me të rinjtë votues për herë të parë të këtij qyteti Rama u bëri thirrje atyre që t’i bashkohen Partisë Socialiste dhe ta votojnë atë më 18 qershor.
“Ndërkohë që motivi ynë për të shkuar në zgjedhje me 18 qershor dhe për t’i kërkuar të gjithë të rejave dhe të rinjve t’i bashkohen rrugës tonë për çlirimin e drejtësisë për t’i dhënë një hov dhe më të madh ekonomisë dhe punësimit”, tha kryeministri Rama.
Më pas Rama shpalli dhe sloganin e Partisë Socialiste, “Shqipëria që duam” me të cilën do të organizohet fushata elektorale e PS-së.
