Lajmet aspak të këndshme dhe mbledhja e tensionuar në Bruksel duket se kanë lënë pasoja te kryeministri Edi Rama. Gjatë zhvillimit të Forumit të Vjenës ai ka deklaruar se nuk mund të gjente vend tjetër më të mirë se Austria për t’u largua nga gjendja depresive që i lanë mbledhjet e Brukselit.
“Ky më duket vendi i përsosur për të diskutuar Europën e Ballkanin Perëndimor. Disa shkallë shkojnë lart e të tjera poshtë e ne jemi në mes. Po ne mund ta ngremë njëri tjetrin e mund ta ulim. Të tjerë kanë nevojë për më shumë shtysë që ta kuptojnë. Sot BE ka nevojë për Ballkanin po aq sa Ballkani ka nevojë për të. Më lini t’ju them se nuk ka vend më të mirë se Austria për të marrë veten nga mbledhjet depresive të Bruskelit”, u shpreh ai.
Më tutje ai u shpreh se, ndihet i lumtur që është sot krah kancelarit austriak, i cili ka mbështetur gjithmonë integrimin e Shqipërisë, ndërsa mes ironie tha se sa herë do i duhet të flasë për BE-në bëhet i hidhur
“Nuk falënderoj dot sa duhet kancelarin për mikpritjen e shkëlqyer, njësoj siç ulet krah meje në Këshill, pasi Shqipëria dhe Austria nisin me A, është më tepër se rastësi se kam krah meje udhëheqësin e një vendi që ka qenë mbështetës i Ballkanit dhe Shqipërisë. Pas këtyre fjalëve të bukur duhet të bëhem i hidhur se duhet të flas për BE. Më duhet ët them, se ndihem i keq ardhur për BE, ndihem vërtetë i keq ardhur“, tha Rama. Kujtojmë se mbledhja e Samitit në Bruksel nuk ishte aspak e mirë për Kosovën, Shqipërinë dhe Serbinë, pasi asnjëra nuk mori një dritë jeshile për çështjen e integrimit. Gjatë konferencës të përbashkët me përfaqësuesit e vendeve të tjera, Rama u shpreh mjaft kritik dhe i ashpër ndaj BE dhe Bullgarisë. Madhej deklaratat e tij sollën reagimin e menjëhershëm të autoriteteve bullgare.
