Tre liderat kryesorë politik, kryeministri Edi Rama, kryetari i Kuvendit Ilir Meta edhe lideri i opozitës, Lulzim Basha i janë përgjigjur pozitivisht ftesës së presidentit Nishani për t’u ulur në një dialog për zgjidhjen e krizës.
Pas dakordësisë së tre liderve kryesorë tashmë pritet që të finalizojë tryezën e dialogut, presidenti i Republikës.
Kryeministri Rama e ka përsëritur se mirëpret një dialog nga presidenti e po ashtu edhe kreu i LSI Ilir Meta këtë të premte konfirmoi mbështetjen për një tryezë të thirrur nga presidenti.
Ndërkohë edhe kryetari i Partisë Demokratike, Lulzim Basha i pyetur dy ditë më parë për ftesën e presidentit për dialog u shpreh se është i hapur.
