Kryeministri Edi Rama, nuk ka dhënë asnjë përgjigje ndaj deputetit të partisë së tij, Ben Blushi, i cili e akuzoi se po i nxin faqen Shqipërisë. Pasi Blushi i ka drejtuar disa pyetje publike, të cilat janë akuzë e fortë për mbrojtje të zyrtarëve të inkriminuar, Rama nuk ka dhënë asnjë përgjigje.
Kryeministri është përqëndruar tek akuzat për ish-kryeministrin Berisha, për të cilin çdo të enjte thotë se nuke do reformën në drejtësi. “Sali ti nuk e do reformën më drejtësi. Historia është shumë e thjeshtë. Ne bëjmë reforma ju skandale.Ju kemi bërë ftesë dhe është e hapur: Të ulemi të zgjidhim ngërcin që është tradhëti e madhe nëse rrezikohet reforma. Referendumi nuk bëhet dot vetëm me votat e shumicës, pavarësisht se kemi shumicën e cilësuar, nuk kemi atë kushtetuese për të bërë referendumin. Kjo është pse ju bëni të fortin”, ka thënë Rama.
