Kryeministri Edi Rama gjatë konferencën për shtyp konfirmon se në ditët në vijim do të takohet me kandidatin për kryeministër në Kosovë, Albin Kurti.
Rama tha se është Kurti ai që i ka kërkuar të takohen, dhe se ka disa propozime të reja për të, për thellimin e bashkëpunimit mes dy vendeve.
Duke fajësuar qeverinë pararendëse të Haradinajt, Rama tha se beson dhe shpreson tek freskia e Kurtit, dhe se ky i fundit të heqë dorë nga poezia opozitare dhe të fillojë prozën qeverisëse.
“Ka kërkuar të më takojnë, në ditët në vijim. E kam ndjekur në prononcimet e tij, bie dakort me të që ka nevojë për një shtysë të re mes dy qeverive. Kam edhe disa propozime të reja për të, dhe besoj se për ta shtyrë këtë bashkëpunim më thellë besoj se është vendosja e Ministrit të Shtetit nga të dyja vendet, për të patur një pikë referimi. Është shumë kënaqësi të dëgjoj edhe idetë e freskëta të Albinit,” tha Rama.
Lidhur me Shengenin Ballkanik, kryeministri shqiptar tha se nuk është firmosur asnjë marrëveshje përveçse është bërë një deklaratë e përbashkët sa i përket lirisë së mallrave, të njerëzve etj.
“Nuk është përjashtuar Kosova dhe asnjë vend tjetër, ne jemi të hapur që edhe ajo në një rast të dytë të jetë e pranishme bashkë me dy vendet e tjera ballkanike” tha Rama.
https://www.facebook.com/edirama.al/videos/408656429791356/UzpfSTgxODM4MzU1ODI4NDk1NjoyMzIxMTcwNjMxMzM5NTY3/
