Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Rama: Hapja e listave ndalon koalicionet parazgjedhore, opozita s’mund të ketë gjithçka

Nga Klodiana 0

Kryeministri Edi Rama ka deklaruar se me hapjen e listave ndalohen koalicionet parazgjedhore.

Ndër të tjera, ai thekson se marrëveshja e 5 qershorit është realizuar si rezultat i gatishmërisë së Partisë Socialiste e cila ka bërë shum ëlëshime për të plotësuar dëshirën e të tjerëve.

Rama shprehet se me këtë vendim ato nuk pengojnë asnjë që dëshiron që të bëjë marrëveshje zgjedhore.

Ndërkohë kryeministri është shprehur ndër të tjera se vendimi për hapjen e listave nuk lidhet me kalkulimet elektorale.

Pjesë nga deklarata e kryeministrit Edi Rama

Modestisht por qartësisht, mua ka vetëm një koalicion që më detyron, dhe ky është ai i marrëdhënies sime me veten me popullin dhe familjen time, nuk më detyron dot askush që të bëj gjëra që i bien ndesh këtij koalicioni. Marrëveshja e 5 qershorit u realizua si rezultat i gatishmërisë sonë, që bëmë çdo lëshim. Unë kam qenë edhe në opozitë, por është hera e parë, që marrëveshjen e bëri si donte opozita nga ‘A’-ja te ‘ZH’-ja duke shkelur mbi veten tonë. Unë nuk kam më shumë respekt për ata që janë jashtë se ata që janë brenda parlamentit. Nuk është këmba ime në një këpucë sot për shkak aritmetik që na çon ne në konkluzionin që duhet të hapim listat, por është bindja jonë, që populli kërkon diçka që duhet t’ia japim atë që kërkon.

Unë nuk dua që të pikturohem nga të tjerët si njeriu që do të kapë gjithçka. Unë nuk besoj e listat e hapura janë recetë çudibërëse dhe do e transformojnë por është mundësia që qytetarët të kenë një listë preferenciale në listën që ato zgjedhin në këto kushte kur dhe klasa politike konsiderohet rreth i mbyllur me të drejtë dhe pa të drejtë por edhe nga eksperienca ime kaq vjeçare nevoja e një lidhje më direkte dhe e një pranie më të madhe e të zgjedhurve pranë zgjedhësve mund të shërbehet më mirë kur deputeti e di se rikonfirmimi i tij do të varet dhe nga mendimi i qytetarëve.

Ne nuk kemi ndonjë tendencë apo qëllim që të pengojmë subjektet që të bëjnë marrëveshje në mes të tyre dhe të kenë një subjekt unikal kjo është çështje e tyre dhe nëse do të shikojmë të gjithë vendet evropiane kemi Holandën që ndalon çdo formë koalicioni por kemi dhe vende ku subjektet bashkohen në një listë dhe nuk ka asnjë vend përveç vendi tonë ku një mullar i madh me parti që askush ndoshta sja ka dëgjuar emrin futen në një tren dhe përfitojnë  nga buxheti i shtetit. Patjetër që listat e hapura e bëjnë të pamundur formulën aktuale të koalicioneve, se i bie që të kemi në një fletë votimi, llogariteni, aritmetikisht, 40 parti këtej dhe 40 andej, nga 35 kandidatë në Tiranë, një fletë votimi që do të ishte një qilim nga universiteti deri te monumenti i Skënderbeut. Por kjo nuk do të thotë se kemi ndonjë tendencë apo qëllim që të pengojmë marrëveshjet, kjo është çështje e tyre“, është shprehur kryeministri.

Ndryshimet nuk vijnë si rezultat i kalkulimeve tona elektorale, PS-ja është partia më e madhe e shqiptarëve sot, mbas një viti kur të bëhen zgjedhjet të shohim. Por pa asnjë diskutim, PS-ja nuk ka asnjë lloj qëllimi tjetër përveç se të përmirësojë Shqipërinë dhe ti japë sa më shumë shanse. Nuk ka asnjë lojë, apo pazar. Opozita parlamentare ndihet e kërcënuar nga numërimi partiak, kanë të drejtën e tyre, i kuptoj. Opozita parlamentare nuk mund të marrë gjithçka që kërkon, opozita jashtë parlamentare ndihet e kërcënuar nga hapja e listave, por nuk mund ti marrin të gjithë. Por kjo PS-ja që është forca më e madhe, ka të drejtën e vet të ketë ndonjë dëshirë, ka vetëm në këtë proces, që të gjithë të tjerët të marrin sa më shumë nga ajo që kërkojnë, për ne është OK.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej