Edi Rama zhvilloi sot një takim me kandidatët për deputetë të PS në Qarkun e Fierit.
Në fillim të fjalës së tij, ai tha se ndryshimi dhe punët që ka bërë Partia Socialiste, janë të dukshme për ata që duan të shohin.
Duke komentuar incidentin e ndodhur në Elbasan në Ditën e Verës, të cilin e cilësoi një provokim të kryedemokratit Basha. Rama tha se ky i fundit bën viktimën dhe janë montazhe skuthash duke e shitur ngjarjen krejt ndryshe nga ajo që ndodhi në të vërtetë.
Por në fakt, këto pamje e nxjerrin bllof Edi Ramën dhe këdo që e ka gënjyer atë.
Rama, theksoi se shqiptarët duan të eksperimentojnë me rikthimin e Partisë Demokratike.
“E të çfarë PD-je, që sot është e përfaqësuar nga skuadra më e keqe, më e dobët, më absurde e 30 viteve. Ngjitur e ngjitur me njëri tjetrin për të përshëndetur karvanin e fitores imagjinare e atyre që pasi e humbën çdo shans të shkuarën, kërkojnë një shans të ri që nuk kanë për të marrë.”-deklaroi Rama.
Kreu i PD Lulzim Basha, u prit në mënyrë madhështore sot edhe në Vlorë, ashtu si në shumë qytete të tjera. Kryedemokrati iu ka bërë thirrje qytetarëve të respektojnë distancën, por entuziazmi i mbështetësve e ka bërë të pamundur shmangien e grumbullimeve.
