Rama ka deklaruar se droga e kapur në Shqipëri ka arritur t’u shpëtojë kontrolleve të porteve të Bashkimit Europian duke u kapur në vendin tonë.
“Operacioni më i fundit i agjencive tona ligjzbatuese; hetimi doganor, dhe policia e shtetit, me mbështetje e Prokurorisë, pati një jehonë shumë pozitive dhe u vlerësua me solidaritet maksimal, duke pasur parasysh se ngarkesa kapur përbën një sasi që është më e madhja e kapur ndonjëherë prej nesh. Një sasi që para se të vinte në vendin tonë, ka kaluar në portet e bashkimit evropian dhe i ka shpëtuar kontrolleve” tha Rama.
Ky prononcim për mediat u bë pas takimit të kryeministrave të rajonit me Presidentin e KE, Jean-Claude Juncker, shefen e diplomacisë europiane Federica Mogherini, komisionerin e Zgjerimit Johannes Hahn dhe kryeministrin e Bullgarisë Borisov në Sofje të Bullgarisë, vend i cili ka presidencën e radhës së BE.
