Gjatë mbledhjes së grupit parlamentar të Partisë Socialiste, Edi Rama ka deklaruar: “Kush ka interesa për të hedhur tritole në Fushë Krujë? Ne jo njëherë, pra opozita”.
Por pak minuta pas kësaj deklarate, Xhisiela Maloku, nga oborri i shtëpisë ka bërë të njejtën deklaratë me kreun e qeverisë, ku ka akuzuar opozitën për tritolin në banesën e saj.
Xhisiela deklaroi: Është mëse e qartë është bërë nga PD dhe opozita. Të vërtetën e di unë dhe vetëm unë. Unë dola thashë të vërtetën, ata dolën blof në lojën e tyre politike. Deri dje nuk isha e rrezikuar tani jam e rrezikuar nga opozita. Tani do ta pranoj mbrojtjen. Me Rexhepin kam marrëdhënie të mira. Sot kam kërkuar që të më qëndrojë pranë një nga familjarët e tij. Vetëm kështu ndjehem e sigurt. Ishte një shpërthim i fuqishëm. Pas tritolit telefonova menjëherë kushëririn e Rexhepit. Unë s’do largohem nga Shqipëria. Sërish bashkë me Rexhepin? Nuk i dihet.
