Nga Felix Bilani
Prej disa kohësh mungojnë medikamentet kardiake. Duke qenë i sëmurë kardiak, kam 2 javë që nuk marr sindrom, një medikament që nëse nuk e përdor më rikthen sërish drejt infarktit.
Pyes në çdo farmaci dhe nuk ka, as në depo, por xarelto një medikament që bën të njëjtin funksion, kushton 9000 lekë të reja kutia, pra me të drejtë i quaj vrasës. Pasi këto çmime të këtij medikamenti nuk përballohen, jo vetëm nga unë, por askush që është i papunë ose me rroga.
Ndërprerja e një serë medikamenteve kardiake po vret njerëzit dhe logjikisht mund të quhet edhe genocid. Pra, zoti Kryeministër ku mund të gjenden medikamentet kardiake, jo shkumës që t’i shërbejnë jetës së njeriut dhe jo vrasjes? Ku mund të gjenden medikamentet kardiake dhe jo shkumësat zonja Manastirliu? Apo fukarenjtë dhe hallexhinjtë duhet të vdesin?
