Kritikat mbi veshjen nuk e ndalin kryeministrin Rama të vijojë me stilin e tij të pazakontë në takimet e rëndësishme.
Me kostum e atlete të bardha, ashtu si në Samitin e Triestes, Rama ka zgjedhur të presë sot kryeministrat e Ballkanit Perëndimor.
Takimi vijon prej orës 10:30 në Durrës, ndërsa në fokus do jenë proceset integruese dhe ekonomia.
Të pranishëm në këtë takim janë kryeministrja e Serbisë, Ana Brnabiç, kryeministri i Kosovës Isa Mustafa, i Bosnje dhe Hercegovinës, Denis Zvizdiç, kryeministri i Maqedonisë, Zoran Zaev dhe i të Malit të Zi, Dushko Markoviç, komisioneri Europian për zgjerimin, Johanes Hahn dhe numri dy i Bankës Botërore për rajonin, Cyril Muller.
Takimi ka filluar me një batutë nga Rama për Cyril Muller, Zëvendës Presidenti i Bankës Botërore për Evropën dhe Azinë Qendrore.
Pasi zbriti nga makina dhe po i drejtohej vilës qeveritare, Rama iu drejtua me fjalët ‘Pranohen vetëm pa kollare’.
Ndërsa Cyril Muller tha: “Do të jem shumë i lumtur që ta heq …”
