Kryeministri Edi Rama ka marrë pjesë në darkën e Iftarit në Sarajevë me ftesë të homologut të Bosnje e Hercegovinës.
Kryeministri i Maqedonisë Veriore Zoran Zaev ka postuar në “Facebook” një fotografi, ku shihet së bashku me kryeministrin shqiptar Edi Rama dhe kryetarin Këshillit të Ministrave të Bosnje dhe Herzegovinës, Denis Zvizdiç.
Zaev thotë se fotografia është bërë në Sarajevë për iftar, me ftesë të zyrtarit boshnjak.
“Me ftesë të Kryetarit të Këshillit të Ministrave të Bosnje dhe Herzegovinës, Denis Zvizdiç, mora pjesë në darkën e Iftarit në Sarajevë së bashku me Kryeministrin e Shqipërisë, Edi Rama.
Ditët e agjërimit të Ramazanit janë një kujtesë se dashuria, respekti, solidariteti, mirësia, dashuria dhe falja janë vlera që duhet t’i respektojmë dhe që na bashkojnë si popuj”, shkruan Zaev bashkëngjitur fotos.
