Lidhur me fushatën që Partia Socialiste hapi dje për zgjedhjet lokale të 30 qershorit në Parkun Olimpik të Tiranës, ka reaguar ish-kryeministri Sali Berisha.
Në një status në rrjetet sociale, Berisha tha se pjesëmarrësit në miting iu nënshtruan një kontrolli të detajuar fizik, radiologjik, deri te qentë e specializuar antieksploziv.
Postimi i plotë
Edvin Kristaq Paniku çeli antifushatën në vrimën e miut!
Miq, Edvin Kristaq Krimi, pasi e shtyu nga frika një herë dhe ndërroi po nga frika katër herë vendin,
çeli sot duke përfunduar në vrimën e miut antifushatën e farsës së tij elektorale, me të cilën ky
bastard i etërve mizor beson se mund të varros pluralizmin në Shqipëri.
Kështu, përveç ndryshimit nga frika dhe paniku i datës së hapjes së antifushatës monstra e
pluralizmit, Edvin Kristaq Xhelati pasi shpalli se antifushatën do ta hapte në Pallatin e Kongreseve
por frika e një rrethimi të mundshëm nga kryengritësit e revoltuar ndryshoi vendin duke
konsideruar Pallatin Asllan Rusi. Por ai hoqi dorë nga ky projekt pasi mësoi se heronjtë e Unazës
së Re vendosën të bllokonin rrugën madje të mos kursenin të gjitha mjetet e mosbindjes civile
personalisht kundër tij dhe Lal Plehut.
Së fundi, ai hapi llafin se antifushatën do ta çelte në amfiteatrin tek Liqeni, në të vërtet gjysëm
klandestin ai e spostoi antifushatën në një palestër në të cilën ato pak qindra zyrtare që morën
pjesë u kontrolluan në të gjitha llojet e kontrollit fizik, radiologjik dhe gjer te qentë e specializuar për
eksploziv. Ndaj dhe kjo mund të thuhet se ishte antifushata e vrimës së miut.
