Kryeministri Edi Rama së bashku me deputetin socialist, Ditmir Bushati kanë qenë prezent pasditen e sotme në qytetin e Shkodrës.
Vizita zhvillohej në kuadër të turit “Bashkia që Duam”.
Rama tregon masat që do të merren ditën e zgjedhjeve vendore, ku thotë se të gjithë ata që bllokojnë rrugët do t’u vihet gjobë ndërsa do dënohen me burg ata që do të pengojnë zgjedhjet.
“Ne ju dhamë gjithë çka kërkuan dhe ata nuk mbajtën fjalën jo për ne, por për këtë vend dhe nuk lenë vend pa e bërë Shqipërinë copë, copë. Tup, turp, turp, turp.
Ata i tmerrojnë ndërkombëtarët dhe i bjënë të mendojnë sikur po vjen fundi i botës. Ne do donim që ata të ishin në garë dhe të fitonim bashkinë duke i pasur në garë.
Ai ligj, kush pengon të tjerët të votojnë shkon në kokërr të burgut. Për bllokimin e rrugës vihet gjobë, por kush pengon zgjedhjet shkon në burg. Se ku do ti gjejë Luli dhe Monika të gjejnë ata budallenj që të bëjën këtë punë nuk e di. Dhe ska shans të marrin peng procesin zgjedhor me bllokime.
Të nesërmen e 30 qershorit do zgjohen dhe Luli do jetë në gjumë dhe do dalin ta kërkojnë. Do ta kërkojnë me ditë të tëra.
Do dalin të kërkojnë Lulin edhe gomat do ti blejnë të reja se do ja ketë djegë flamuri për revolucionin demokratik. Më vjen keq për ata njerëz që kishin dalë sot atje.”-shprehet Rama.
