“Rama 8 vite dështime”, Basha-qytetarëve: Ka ardhur koha ta largojmë e të marrim vendin në duar

Në një video-mesazh të drejtuar qytetarëve, kryetari i Partisë Demokratike shprehet në në tëtë vite, qeveria Rama ka pasur vetëm premtime të pambajtura dhe dështime.

Kryedemokrati, thotë se PD ka plane serioze dhe të zbatueshme. Shqipëria, sipas Bashës ka mbetur në vend numëro ndërsa premtimet e radhës nga qeveria, shton ai, janë boshe.

Më tej, kreu i PD u bën thirrje qytetarëve se ka ardhur koha të “bashkohemi të gjithë dhe të largojmë Edi Ramën.”

Nga Korça i deklaroj Edi Ramës se dënimi yt është pa kthim dhe kapital –

S’do vija për Berishën dhe as për Ramën, koha për të drejtuar të rinjtë –

Askush nuk më përjashton dot nga partia”, Salianji nga Shkodra: Koha të ndryshojmë partinë

Kjo parti ka patur frymëzim moton; ja të vdesim, ja të rrojmë për liri –

Fjala e plotë

“Të dashur miq, 8 vjet premtime të pambajtura, 8 vjet dështime. Shqipëria ka mbetur në vend numëro. Familjet tuaja kanë ngecur në baltë, për shkak të dështimeve të Ramës. Asnjë premtim nuk ka mbajtur! Dhe tani, vjen me premtime të tjera, boshe. Një kryeministër që nuk mban premtimet e tij duhet të largohet.

Ne kemi plane serioze dhe të zbatueshme për vendin. Angazhime të cilat do të nisim t’i zbatojmë prej ditës së parë. Dhe angazhimi ynë i parë është: Nëse nuk i përmbushim angazhimet tona ndaj jush, nuk do të kërkojmë një mandat tjetër.

Ka ardhur koha të bashkohemi të gjithë, për të ndryshuar Shqipërinë. Ka ardhur koha ta largojmë Edi Ramën! Ta marrim Shqipërinë në duart tona dhe të bëjmë realitet shpresat dhe pritshmëritë e çdo shqiptari.”