Një i ri shqiptar, identiteti i të cilit nuk është bërë i ditur ka rënë në prangat e Policisë së Riminit mbrëmjen e djeshme. Ai akuzohet për shpërndarje të lëndëve narkotike.
I riu shqiptar ka qenë duke lëvizur me biçikletë për të shkuar në hotelin ku po qëndronte ku dhe është pikasur nga agjentët e Policisë që panë tek ai sjellje të dyshimta. Ata i kanë bërë menjëherë thirrje për të ndaluar por i riu shqiptar ka tentuar që të ja mbathë. Arratia nuk zgjati më shumë se disa sekonda dhe ai u kap.
Më pasi shqiptari u shoqërua për në dhomën e tij të hotelit ku pas kontrollit u gjeten disa paketime të vogla kanabisi e cila ishte gati për të dalë në treg. Gjithashtu Policia gjeti dhe sekuestroi dhe një shumë parash e cila kapte vlerën e 1000 eurove. Hetuesit kanë dyshime se këto para të kenë ardhur nga trafiku i drogës.
