Kryetari i Bashkisë së Tiranës Erjon Veliaj ka inspektuar nga afër punimet në kuadër të projkektit të rikualifikimit urban të zonës së Shallvareve në Tiranë. Kryebashkiaku ka theksuar se në këtë zonë kanë munguar investimet edhe pse është në zemër të Tiranës. Veliaj ka falenderuar banorët dhe bizneset e zonës për bashkëpunimin duke liruar hapësirat për të mundësuar trotuare dhe rrugë më të gjera. Ky investim do t’i japë mundësinë bashkisë së Tiranës që të pilotojë në këtë bllok edhe projektin e parkimit të dedikuar.
Në fjalën e tij, kryetari Veliaj theksoi se kjo zonë, pavarësisht se është në zemër të Tiranës, ka qenë e braktisur nga investimet.
Veliaj: “Jam shumë i kënaqur me cilësinë e punës në të gjithë zonën e “Shallvareve”, kemi rehabilituar tre blloqe. Këtu ka qenë një gjiriz i vërtetë, një kënetë. Më vjen mirë që ky do të jetë piloti ynë i dytë, për projektin e parkimit rezidencial. Banorët, në bazë të listës që siguron administratori i pallateve, do të kenë pullën e tyre për makinën ku ata ta kenë të garantuar parkimin”.
