Pse qeveria shqiptare nuk i përgjigjet presidentit grek? (film)

Duhet të lëçisni

PD dorëzoi në KAS dosjet voluminoze për shkeljet zgjedhore, zbardhen pretendimet e selisë blu

Partia Demokratike ka dorëzuar në KAS 10 dosjet voluminoze për shkeljet e pretenduara elektorale në 9 qarqe të vendit, konkretisht për Kukësin, Durrësin, Tiranën, Elbasanin, Fierin,...

“Demokracia lind me liri, rritet me ligje demokratike”, njoftohet protesta e parë te kryeministria pas zgjedhjeve të 25 Prillit

Shoqëria civile së bashku me ish-të përndjekur politikë, aktivistë dhe intelektualë ka parashikuar në datën 12 Maj mbajtjen e një proteste në ambientete përballë...

Ngjarje tragjike në rrugët e qytetit shqiptar, makina humb kontrollin dhe përplas për vdekje dy fëmijë 8 vjeçarë

Një aksident i rëndë me pasojë vdekjen ka ndodhur sot pasdite në Kosovë, ku një veturë ka rënë në lumë në fshatin Carralevë. Si pasojë...

Mbi 8 mijë raste të reja, shënohet numri më i ulët i viktimave në Itali që nga tetori

Në 24 orët e fundit në Itali, janë regjistruar 8,292 raste të reja me koronavirus nga 226,006 testime të kryera për të dyshuar. Sot...

Më shumë se 1280 shqiptarë të Çamërisë u vranë në Masakrën e Filatit në vitin 1945 nga shovinistët grekë. 74 vite më vonë, Shoqata Çamëria ka kujtuar këtë masakër, si shenjë e genocidit grek mbi shqiptarët e Çamërisë. Të pranishëm në këtë aktivitet ishin kryetari i PDIU-së, z. Shpëtim Idrizi, kryetari i Shoqatës Patriotike “Çamëria”, z. Dritan Sejko, Sekretarja e Përgjithshme e PDIU-së, znj. Mesila Doda, si dhe të ftuar nderi ish-ministrja e Jashtme e Kosovës, Znj. Edita Tahiri, diplomati i karrierës, Shaban Murati, si dhe historianë dhe personalitete që kane kontribuar për historinë e Çamërisë.

Masakra e Filatit

Shpëtim Idrizi: Unë e kuptoj shumë mirë që për Presidentin grek shekulli i shkuar, ndoshta ishte momenti që mund ta bëjë të ndjehet mirë, por i bëj të qartë që ky është shekulli i shqiptarëve dhe sot shqiptarët e kanë marrë fatin e tyre në dorë.Ne nuk dëgjojmë një reagim nga qeveria shqiptare për deklaratat e Presidentit grek. Unë jam i bindur që askush nuk mund ta përdorë çështjen e shqiptarëve të Çamëris, as për varrezë, as për monedhe këmbimi. Siç i mësova Ramës historinë e Çamërisë, ashtu më duhet t’ja mësoj edhe Ministrit të JashtëmPse mos të kërkojmë ne Konsullata, ashtu siç Greqia ka tre Konsullata këtu në vendin tonë.

Publiée par Partia Drejtësi, Integrim dhe Unitet sur Vendredi 1 mars 2019

Kryetari i Partisë Drejtësi, Integrim dhe Unitet Shpëtim Idrizi, iu përgjigj akuzave të Presidentit grek, duke theksuar se këto deklarata, Pavlopulos i bëri nga Konica, një territor i Shqipërisë që u coptua padrejtësisht. Z.Idrizi theksoi se për këto deklarata qeveria shqiptare duhet të reagonte dhe jo të heshte.

“Presidenti i Greqisë ka tentuar sërisht që të kërcënojë Shqipërinë. Këtë gjë e ka bërë në mënyrë të përsëritur. Dua t’i kujtoj Presidentit grek se vendi që ai bënte kërcënimet ishte tokë shqiptare në Konicë.

Është e pafalshme dhe e papranueshme se si, ai po festonte pikërisht vitin 1913, ku padrejtësitë e mëdha historike e coptuan trungun shqiptar. Unë e kuptoj shumë mirë që për Presidentin grek, shekulli i shkuar ndoshta ishte momenti që mund ta bëjë të ndjehet mirë, por i bëj të qartë që ky është shekulli i shqiptarëve dhe sot shqiptarët e kanë marrë fatin e tyre në dorë.
Ajo që sot flet shumë është heshtja e autoriteteve shqiptare. Si është e mundur që Presidenti i Greqisë në mënyrë të përsëritur kërcënon Shqipërinë dhe ne nuk dëgjojmë një reagim nga qeveria shqiptare, një reagim nga Ministria e Jashtme. Unë e di që ndoshta dhe Ministrit të Jashtëm duhet ti mësoj historinë e Çamërisë, siç ja mësova Ramës. Është detyrë e tyre të reagojnë, të reagojnë për të drejtat e mohuara të shqiptarëve. Greqia do të pranojë ekzistencën e çështjes çame, por edhe zgjidhjen e saj, siç pranoi marrëveshjen me Maqedoninë e Veriut.

Sot është Samiti i Diasporës. Por, sot për herë të parë u harrua të ftohej një përfaqësues nga çamëria, duke lënë bosh hartën identitare të kombit shqiptar. Mesa duket Ramës nuk i mjafton ajo që ka bërë me çështjen çame dhe pazaret me Greqinë. Samiti i Diasporës nuk duhet të jetë vetëm një fasadë. Nëse shteti shqiptar do të bëjë një veprim konkret, le të japë pasaporta shqiptare, për çdo person që është me orgjinë shqiptare. Diaspora duhet të ketë vendet e veta në Parlamentin e Shqipërisë. Nuk mund të vazhdojmë dot me retorikë boshe që do të votojnë emigrantët, kur nuk bëjmë dot zgjedhje të lira brenda territorit.

Sot në Shqipëri nuk kemi ekonomi tregu. Shqipëria duhet të jetë zonë e lirë ekonomike për Diasporën. Kjo do të thotë se çdo njeri nga Diaspora, të marrë pasaportën shqiptare dhe të vij të investojë në Shqipëri, pa taksa. Kemi luftuar për 8 vjet që Shqipëria të kishte një ministër Diaspore. Në fakt ne duhet të kemi një qeveri tani, se gjysma e shqiptarëve janë jashtë Shqipërisë. Duhej një ministri me kompetenca të plota për Diasporën dhe jo thjesht një ministër shteti”, – u shpreh z.Idrizi.

Ish ministrja e jashtme e Kosovës Edita Tahiri, u shpreh se pa Kosovën dhe Çamërinë, nuk ka Shqipëri.

“Mund të them me bindje se pa Kosovë dhe Çamëri nuk ka Shqipëri. Ne kemi fuqi si komb, por ende kemi nevojë për një zhvillim shtetëror, pra të piqemi si shtetarë. Po të ishim të pjekur, askush nuk do ti prekte kufijtë e Kosovës, siç po tentohet nga disa lider politikë në Kosovë. Z.Idrizi përmendi pazaret e Ramës me Greqinë, atje në Kosovë janë të Hashim Thaçit. Por ju siguroj që askush nuk do ti prekë kufijtë e Kosovës, pasi janë larë me gjak. Ashtu siç po zotohem për Kosovën, po zotohem edhe për Çamërinë, që do të bëjë gjithçka që kjo çështje të vazhdojë avancimin drejt zgjidhjes së saj”, – tha znj.Tahiri.

Kryetari i Shoqatës Çamëria Dritan Sejko tha se: Në rrugëtimin tonë, do të jemi përballë çdo individi apo organizate që do tentojë të na pengojë për zgjidhjen e çështjes çame. Shoqata Çamëria do të vlerësojë çdo individ apo institucion që do kontribojë në çështjen kombëtare.

Në këtë aktivitet u vlerësuan me mirënjohje edhe diplomati i karrierës, z. shaban Murati i cili u shpreh se: Mendja dhe zemra ime do të jenë në shërbim të çështjes çame.

Me mirënjohjen e Çamërisë, Shoqata Patriotike “Çamëria” vlerësoi edhe disa personalitete të tjera si historianin Ibrahim Hoxha, ish themeluesin e e saj, z.Abaz Dojaka ( pas vdekjes), si edhe poetin nga kosova Fatmir Muja për poezinë e tij “Trëndafilat e Çamërisë”.

Më shumë shkrime

Lër një përgjigje

Ju lutem lini komentin tuaj!
Ju lutem vendosni emrin këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

E Freskët taze

PD dorëzoi në KAS dosjet voluminoze për shkeljet zgjedhore, zbardhen pretendimet e selisë blu

Partia Demokratike ka dorëzuar në KAS 10 dosjet voluminoze për shkeljet e pretenduara elektorale në 9 qarqe të vendit, konkretisht për Kukësin, Durrësin, Tiranën, Elbasanin, Fierin,...

“Demokracia lind me liri, rritet me ligje demokratike”, njoftohet protesta e parë te kryeministria pas zgjedhjeve të 25 Prillit

Shoqëria civile së bashku me ish-të përndjekur politikë, aktivistë dhe intelektualë ka parashikuar në datën 12 Maj mbajtjen e një proteste në ambientete përballë...

Ngjarje tragjike në rrugët e qytetit shqiptar, makina humb kontrollin dhe përplas për vdekje dy fëmijë 8 vjeçarë

Një aksident i rëndë me pasojë vdekjen ka ndodhur sot pasdite në Kosovë, ku një veturë ka rënë në lumë në fshatin Carralevë. Si pasojë...

Mbi 8 mijë raste të reja, shënohet numri më i ulët i viktimave në Itali që nga tetori

Në 24 orët e fundit në Itali, janë regjistruar 8,292 raste të reja me koronavirus nga 226,006 testime të kryera për të dyshuar. Sot...

Përfundon kontrata me vaksinën AstraZeneca, BE: Nuk do ta rinovojmë

Thierry Breton, Komisioneri Evropian për Tregun e Brendshëm deklaroi sot, se Komisioni Europian nuk do të rinovojë kontratën për vaksinat e koronavirusit me AstraZeneca...