Kandidati për deputet i Partisë Demokratike në qarkun e Durrësit, Edi Paloka është shprehur se qendrat e numëruara deri më njihen si bastione të PS-së dhe tashmë do të ndihet kthimi i vërtetë i rezultatit.
Më tej, Paloka shtoi se bastionet e PS-së nuk janë numëruar akoma ndaj më vonë do të shihet dhe rezultati i vërtetë.
“Janë qendrat e PS-së që kanë kthyer. Bastionet e tjera siç është Rashbulli ende pritet të tregojë. Në 2017 nuk pati zgjedhje fare, presim ndryshim të thellë.
Tani po i del boja, ishte strategji e Ramës për të nxjerrë qendrat e votimit që janë bastionet e PS. Bastionet e PD s’janë numëruar. Prisni, ajo që kemi thënë, do të dalë.
Qytetarët shqiptarë kanë votuar për ndryshimin, ndryshimi do të vijë. Në 2017 nuk pati asgjë në Maminas, ne presim ndryshim të thellë në Durrës dhe në të gjithë Shqipërinë.”- tha Paloka.
