Gazment Bardhi ka reaguar sot në lidhje me vendimin e PS, e cila vendosi të mos marrë asnjë masë lidhur me vendimin e SHBA për sanksionet ndaj Aqif Rakipit. Pra PS deklaroi se Ornaldo Rakipi do të vazhdojë të jetë pjesë e Kuvendit.
Në një postim Bardhi shprehet se, Edi Rama në këtë mënyrë tregoi se qeveria është marrë peng nga krimi i organizuar dhe vuri sot këtë marrëdhënie mbi raportin me SHBA. “Edi Rama heshti përsëri sot ndaj konstatimit të SHBA se ka blerë vota në bashkëpunim me krimin e organizuar. Me vendimin e sotëm provoi edhe njëherë se mbi marrëdhëniet me SHBA, vendos marrëdhëniet me krimin e organizuar dhe është peng i tij”, shkruan ai.
Në fakt reagime të shumta ka pasur nga radhët e PD, lidhur me vendimin e PS, duke e gjykuar atë si kundërshtim i hapur i konstatimeve që ka bërë SHBA për të korruptuarit.
