Ndërkohë që një protestë zhvillohej sot nga një grup qytetarësh përpara kryeministrisë, për të kundërshtuara atë që ata e quajnë si faljen e detit në favor të Greqisë, një tjetër grup njerëzish u mblodh për të tubuar përpara RTSH-së dhe Ambasadës Italiane në Tiranë.
Me pankarta në duar që i referoheshin gërrmimit të komisionit dypalësh shqiptaro-grek në Dragot të Tepelenës, për gjetjen e eshtrave të ushtarëve grekë të rënë gjatë luftës italo-greke, protestuesit i drejtohehsin Ambasadës Italiane duke i kërkuar që të mos lejojë që eshtrat e ushtarëve të saj të përdoreshin nga grekët si të tyret, për të ngritur varreza në Shqipëri.
Më konkretisht një pankartë i referohej korparmatës italiane “Lupi di Toscana”, që ka luftuar kundër grekëve në të njëjtën zonë ku po kryehen gërrmimet dhe ku janë zbuluar disa eshtra me mbishkrime në italisht.
“Jemi mbledhur rreth flamurit kombëtar në mënyrë paqësore, por kërkojmë që si qytetarë shqiptarë, të kemi recoprocitet, dinjitet, respektim të ligjit, të partimeve bazë, për të cilat kanë sakrifikuar rilindasit dhe heronjtë shqiptarë. Jemi para RTSH dhe Ambasadës Italiane për të shprehur pikëpamjet tona. Këkrojmë reciprocitet mes pop-ullit shqiptar, italian dhe grek, pasi konstatojmë se nuk është respektuar siç duhet. Mjafton të kujtojmë që kemi vetëm një ligj lufte mes Shqipërisë dhe Greqisë”, tha një protestues.
