Ministri i shëndetësisë, Ilir Beqaj, e konsideroi protestën e opozitës absurde, përpjekje për të bllokuar vetingun.
Gjatë një takimi me strukturat e PS në Kukës, Beqaj tha se opozita po bën thirrje për dhunë, ndërsa forma e protestës së saj është e paligjshme.
“Arsyeja e vërtetë bllokimi i procesit të Vettingut sepse javën e ardhshme, ky proces hyn në fazën finale sipas detyrimeve kushtetuese. Ne kemi thënë që PD-ja mund të protestojë, mund të bojkotojë Parlamentin, por tre përfaqësuesit e vet në komisionin e Vettingut duhet t’i çojë. Nëse nuk i çon, do të thotë që nuk e do Vettingun, do të thotë që edhe në korrik 2016, ka qenë e pasinqertë kur ka kërkuar komision bipartizan”, tha Beqaj.
