“Profesionistët më mirë të heshtin”, Vasili: Flasin për pandeminë sikur të ishte një horoskop

Nënkryetari i LSI-së, Petrit vasili, ditën e sotme në një konferencë për media iu kërkoi profesionistëve të mjekësisë të heshtin më mirë se të japin deklarata që fshehin realitetin për përhapjen e pandemisë së COVID 19.
Vasili shtoi se ata janë të detyruar nga politika të thonë se e kanë situatën nën kontroll, por kur kjo nuk është e vërtetë rrezikohet shëndeti I qytetarëve, prandja edhe ai iu kërkon të heshtin.
Gjithashtu ai sulmon profesionistët e fushës së shëndetësisë se nuk kanë asnjë lloj materie shkencore për ta vlerësuar këtë gjë por thjesht flasin për pandeminë sikur të ishte një horoskop.
“Qytetarë ju e kuptoni shumë mirë që Shqipëria nuk mund të vlerësojë në rast se kurba zbret apo nuk zbret, sepse nuk bëhen testime. Ndjekja është tërësisht një ndjekje aprofesionale, të gjitha përbetimet për masat e marra në mënyrë të jashtëzakonshme, janë përbetime pa asnjë vlerë, pa asnjë kuptim, janë thjeshtë improvizime. Të gjithë ata që thonë që situata është nënkontroll dhe për fat të keq ka dhe profesionistë që e thonë këtë gjë, për fat të keq dhe për turpin e tyre nuk kanë në duar asnjë lloj materie shkencore për ta vlerësuar këtë gjë por thjesht flasin për pandemi sikur të ishte një horoskop dhe jo më një vlerësim shkencor i cilin prodhon pasoja të jashtëzakonshme për jetën, shëndetin dhe ekonominë e shqiptarëve.
Të gjithë ndërhyrjet që keni vënë re kanë qenë pa asnjë sens me fasha dhe orare të ngushta që krijojnë dëndësi dhe grumbullime të mëdha të cilat nuk e kufizojnë por e përhapin pandeminë. Gjetja e vatrave të reja, vazhdimisht të reja pra në mënyrë krejtësisht spontane dhe të pakontrolluar nuk është shenjë e kontrolli të pandemisë por është e kundërta dhe sërisht u bëj një thirrje profesionale të gjithë profesionistëve të cilët janë në trysninë e qeverisë së paku heshtje dhe mos ndyni profesionin tuaj me deklarata boshe të cilat janë në dëm të shëndetit të njerëzve. Nuk mund të shkelet profesioni për shkak të urdhërit politik apo hallit politik të Edi Ramës.
Përsa i përket vendimeve të marra ju e dini dhe e keni dëgjuar propozimin për shtyrjen e gjendjes së fatkeqësisë natyrore edhe të shpallja e gjendjes së fatkeqësisë natyrore të nderuar qytetarë ka qenë një masë shumë e vonuar. Sipas qeverisë rasti i parë ka qenë me 8 Mars paçka se rastet e para kanë qenë më përpara se kaq por të qëndrojmë te data 8 Mars qeveria po vet e ka shpallur gjendjen e jashtëzakonshme vetëm me 24 Mars pra më shumë se 2 javë më pas pra 2 javë e gjysëm drejtoi këtë situatë në vend pa ligje pa kushtetutë, i shkeli ato dhe pas 2 javësh shpalli gjendjen e fatkeqësisë natyrore” shprehet Vasili në konferencën e mbajtur për shtyp.