Përkeqësimi i motit në shtetin fqinj Itali ka shkaktuar vonesa në linjat e udhëtimit me tragetë nga Ankona dhe Bari drejt Durrësit.
Autoritetet e Portit të Durrësit raportojnë se mund mbërrijnë me vonesë tragetet nga Italia për shkak të erës së fortë dhe detit të trazuar.
Nga ana tjetër ,është ndaluar dhe peshkimi i anijeve të vogla në Durrës për të parandaluar kështu incidentet që mund të ndodhin.
Pritet që në fundjavë, shirat e rrëmbyeshëm dhe era e fortë pritet të kthehen sërish në Shqipëri, ku gjatë kësaj jave u shkaktuan probleme në transportin rrugor dhe në furnizimin me energji elektrike.
