Kryetari i Partisë Demokratike, Lulzim Basha njoftoi se opozita do të nisë nga sot përgatitjen e protestave dhe do të mbështesë çdo protestë të Aleancës për Mbrojtjen e Teatrit.
Pas mbledhjes me aleatët në selinë e PD-së, Basha shprehet se opozita është e vendosur që të ndërmarrë të gjitha hapat për largimin e Edi Ramës.
“Si sot tre vjet më parë u ula me këtë njeri me shpresën për një marrëveshje në të mirë të kombit dhe për të garantuar një proces të lirë zgjedhor. Koha tregoi që u gabova. Garantoj që ky gabim nuk do përsëritet më kurrë. Opozita do të marrë të gjithë hapat demokratikë për largimin e kësaj të keqe që është Edi Rama. Vendimi ynë i parë mbështetja e të gjitha protestave të aleancë, shoq civile dhe nisa e organizimit nga opozita të protestave qytetare dhe mbarë popullore. Duke nisur me efekt të menjëhershëm sepse aty ku sot u dhunuan teatri u përgatit flijimi i lirive të të drejtave të qytetarëve. Dua të theksoj angazhimin e marrë me shkrim në emër të opozitës”, tha Basha.
