Kryeministri Edi Rama ka shpjeguar deklaratën e tij që shkaktoi diskutime të shumta, jo vetëm në vend por edhe jashtë kufijve.
Ai e quajti fjali të lirë “President uniteti Shqipëri-Kosovë”, duke sqaruar se ka qenë thesht një imagjinatë dhe askush s’e ndalon për këtë.
“Nuk bëra asnjë deklaratë. Një fjali e lirë u shkëput nga konteksti dhe kthye në një program politik. Në fjalën e atij rasti, i lejova vetes që të vrapoj me imagjinatë, se si mund të jetë 20-vjetori i Pavarësisë së Kosovës. Është sport kombëtar, por edhe ndërkombëtar, që shkëputet një fjali nga konteksti dhe pastaj bëhet një histori. Por besoj se askush nuk më ndalon të imagjinoj. Sa i përket pastaj artikulimit, se si kjo mund të ndodhë nga ana legjislative imagjinata ime nuk ka shkuar deri aty”, ka deklaruar kryeministri Rama për Top Channel.
