Prefektja e Tiranës, Suzana Jahollari, e ftuar në #DritaremeRudinën, në Vizion Plus, tregoi arsyet se pse u përmbyt autostrada Tiranë- Durrës.
“Përmbytja e autostradës ndodh për të dytin vit radhas. Vjet ka qenë shumë e rëndë katastrofa, këtë vit nuk ishte në ato përmasa. Kemi një situatë të përsëritur. Alarmi që u dha në alarm. Ngritëm dy grupe pune që shkuan në autostradë dhe pamë situatën. Këtë vit nuk është hapur liqeni.
Pjesën e City Park nuk e ka bashkia e Tiranës por bashkia e Vorës. Prefektura ngriti vitin e kaluar shtabin e punës, që bëri një studim për problemin që ekziston dhe bizneset që u përmbytën.
Përroi i Limythit ka ndryshuar shtratin natyror, pasi në të dyja anët kanë vënë mure betoni. Prefektura ka marrë masa gjatë këtij viti ka marrë masa. Por fakti që u përmbyt sërish, do të thotë se deri tani këto masa nuk janë zbatuar deri në fund.
Duke filluar nga dita e hënë, prefektura do të marrë masa prapë, do të mbledhë grupin dhe të shikojë masat që do të merren. Nëse reshjet do të bien brenda 3-4 ditëve, do të përmbytet sërish”, tha Jahollari.
http://www.dritare.net/2017/12/04/prefektja-e-tiranes-ja-pse-u-permbyt-autostrada-dhe-do-te-permbytet-serish/1
