Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Prapaskena e përballjes me Maqedoninë, kush i prishi planet e Panuçit

Nga Media 0

Vazhdimësia e suksesit dhe arritja e objektivave është një miks mes punës, vendosmërisë, por ndonjëherë duhet edhe shumë fat. Sidomos kur bëhet fjalë për futboll, ky i fundit ka shumë rëndësi.

Por, në momentin kur me punë dhe me talentin e tij duket se po gjente vazhdimësinë me ekipin kombëtar, fati “tradhtoi” Eros Grezdën.

Mesfushori kuqezi pati një incident pak orë përpara ndeshjes me Maqedoninë, pasi pësoi një helmim nga ushqimi dhe e kishte të pamundur aktivizimin.

Pavarësisht se trajneri Panuçi vendosi ta merrte në stol, lojtari nuk ishte i gatshëm për të luajtur. “Panorama Sport” e raportoi lajmin në momentin kur ai po bënte analizat me stafin mjekësor pranë hotelit “Gligorov” në orët e paradites dhe gjithçka u konfirmua në mbrëmje.

Helmim me peshk

Ndoshta duket e çuditshme, sepse helmimi nga ushqimi duhet të përfshinte një grup të madh lojtarësh, por vetëm organizimi i Grezdës reagoi keq dhe i shkaktoi probleme shëndetësore.

Mësohet se skuadra ka konsumuar peshk në mbrëmje dhe lojtari ka ndier shqetësime disa orë pasi darkoi me ekipin. Kjo gjë e pengoi që Grezda të luante me Maqedoninë, pavarësisht se dëshira e tij ishte e madhe të zbriste në fushën e lojës.

Ishte titullar

Po, po. Do të luante me Maqedoninë, madje që nga fillimi i ndeshjes. Mesfushori i Osijekut e kishte të garantuar vendin në formacionin bazë pas performancës së mirë që bëri në ndeshjen ndaj Lihtenshtejnit dhe në “Mlladost” të Strumicës do të rreshtohej pas Sadikut me Roshin dhe Hykën.

Në këtë mënyrë, Llullaku do të përfundonte në stol. Burime të sigurta i konfirmuan gazetës se Grezda ishte parashikuar në 11-shen bazë për sfidën e së martës, por planet e trajnerit u prishën shumë pak orë përpara ndeshjes.

Diçka që në fakt u kuptua sepse Llullaku u zëvendësua që në përfundimin e pjesës së parë, sepse në fakt nuk pritej të luante. I pafat ishte Grezda, por ndoshta edhe trajneri Kristian Panuçi, që me 22-vjeçarin në fushën e lojës mund t’i kishte surprizuar maqedonasit. Ndoshta është një detaj, por në futboll detajet vendosin fatin e ndeshjeve…

/Panorama/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej