Politika shqiptare ka reaguar në lidhje me zhvillimet në Turqi pas përpjekjes së një grupi ushtarak për të marrë dje pushtetin.
Kryeministri i vendit Edi Rama ka shprehur solidarizim e tij nëpërmjet një postimi në Twitter. Rama shkruan se është i lumtur për popullin turk dhe mikun e tij të çmuar presidentin Erdogan që kanë dalë me sukses nga një natë tejet e vështirë.
“I lumtur per popullin vella te Turqise dhe mikun e çmuar Presidentin Erdogan per daljen me sukses te plote nga nje nate tejet e veshtire!”
Ndërkohë Partia Demokratike me anë të një deklarate për mediat është shprehur se ka ndjekur me shqetësim zhvillimet e orëve të fundit në Turqi. PD shpreh mbështetjen për autoritetet e zgjedhura demokratike ne Turqi, demokracinë dhe shtetin ligjor. Ruajtja e rendit kushtetues dhe rikthimi i paqes dhe sigurisë publike jane në interes të të gjithë qytetarëve të Turqisë dhe miqve e partnerëve të saj.
