Policia aksion në Tiranë, arrestohen dy persona

Dy persona janë arrestuar nga policia në Tiranë pasi akuzohen se po transportonin emigrantë të huaj nga Tirana drejt Kukësit me qëllim kalimin e tyre drejt vendeve të BE. Në pranga janë vënë K. T., 26 vjeç, banues në Elbasan dhe V. M., 23 vjeç.

Ndërkohë u shpall në kërkim policor shtetasi A. Q., 29 vjeç, i dyshuar si bashkëpunëtor në këtë veprimtari kriminale.

“Finalizohet operacioni policor “CRAFTER 2” për goditjen e veprimtarisë kriminale në fushën e dhënies ndihmë për kalim të paligjshëm të kufirit, kundrejt fitimit.

Le t’i japim fund luftës me një takim kokë më kokë –

A po e sjell Zvërneci fundin e tranzicionit shqiptar? –

“Fshehu” vilën luksoze të Belinda Ballukut në Dhërmi, biznesmeni Pandeli Carapuli thirret në SPAK –

Mbështesim plotësisht të drejtën e çdo qytetari për protestë, por nuk do të marrim pjesë –

Operacioni i zhvilluar nga Seksioni i Trafiqeve në bashkëpunim me Forcën e Posaçme Operacionale në DVP Tiranë. Vihen në pranga 2 shtetas, shpallet në kërkim bashkëpunëtori i tyre.

Specialistët për Hetimin e Trafiqeve të Paligjshme në bashkëpunim me Forcën Operacionale në DVP Tiranë, pas informacioneve të marra në rrugë operative, zhvilluan dhe finalizuan operacion policor të koduar “CRAFTER 2”, në kuadër të cilit bënë arrestimin në flagrancë të shtetasve:

K. T., 26 vjeç, banues në Elbasan dhe V. M., 23 vjeç, banues në Tiranë, i dënuar më parë për veprën penale “Vjedhja”.

Këta shtetas u kapën në flagrancë nga sherbimet e Policisë duke tentuar të transportojnë me mjetet e tyre përkatëse, kundrejt shpërblimit monetar, 35 shtetas emigrantë të paligjshëm, nga Tirana drejt qytetit të Kukësit, me qëllim kalimin e tyre drejt Kosovës dhe më pas drejt vendeve të Bashkimit Europian.

Në vijim të veprimeve u shpall në kërkim policor shtetasi A. Q., 29 vjeç, i dyshuar si bashkëpunëtor në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë Tiranë, për veprën penale “Ndihma për kalim të paligjshëm të kufijve” kryer në bashkëpunim. Policia aksion në Tiranë, arrestohen dy persona”, njofton policia.