Një 39 vjeçar nga Pogradeci është vrarë teksa po tentonte të ikte në Greqi bashkë me dy shokët e tij.
Mësohet se viktima ka humbur jetën pasi është dhunuar me mjete të forta nga disa persona së bashku me ata që e shoqëronin.
Ngjarja ka ndodhur në fshatin Braçanj ku ndërroi jetë shtetasi Zarif Alliu nga fshati Vërdove në Pogradec ndërsa mbeti i plagosur 42-vjeçari Mendar Burnazi.
Një banor i këtij fshati, Ferhat Braho tregon për Gazetën Shqiptare se si i plagosuri ka kërkuar ndihmë dhe i kanë shoqëruar për në spital.
“Aman më ndihmo, pasi kam një njeri që po më vdes më tha personi që më trokiti të dera. Ai ishte i gjakosur dhe copë-copë. Ndërsa unë e pyeta se ku e ishte i plagosuri dhe ai mu përgjigj se ishte afër banesës time. Menjëherë moranjë kuvertë dha ja dhashë, por nuk e futa në shtëpi. Më pas erdhi kryeplaku dhe disa banorë të tjerë. Njoftuam dhe policinë po ashtu. Ata erdhën për pak minuta se nuk është larg komisriati. I hipëm në makinë dhe i nisëm për në spital. Më pas nuk e di çfarë ndodhi. Ai ishte gjallë kur e nisëm për në spital”, u shpreh banori.
Në vendngjarje u gjetën copa druri të cilat dyshohen që kanë qenë mjeti i përdorur kundër tyre. Ende nuk dihen shkaqet e ngjarjes ndërsa policia deklaron se po hetohet në pistën e grabitjes dhe trafikut të drogës.
