Ministri i Brendshëm, Saimir Tahiri, ka reaguar për dhunën e ushtruar të policit ndaj një gruaje, që protestonte kundër ndërtimeve brenda parkut të liqenit në Tiranë.
Ministri Tahiri ka kërkuar shkarkimin nga detyra të punonjësit të policisë.
“Eshtë e papranueshme të sulmohet uniforma e Policisë së Shtetit, qoftë edhe nga një grua, por absolutisht edhe më e papranueshme dhe e patolerueshme të reagohet fizikisht, sidomos ndaj një gruaje.
Kam kërkuar pezullimin e menjëhershëm të punonjësit e policisë dhe lirimin e tij nga detyra. Policia që duam nuk mund të jetë kjo që na treguan pamjet e konfliktit mes punonjësit të policisë dhe një qytetareje. Çdo punonjës policie duhet ta dijë këtë dhe kushdo e harron nuk do të tolerohet në asnjë rast e për asnjë arsye”,- shkruan Tahiri në rrjetin social, facebook.
