3 aksidente kanë ndodhur mbrëmjen e sotme në pak orë dhe i fundit regjistrohet në Fushë-Krujë. Sipas burimeve ngjarja ka ndodhur rreth orës 22:20, në aksin rrugor Fushë Krujë-Ura Gjolës, një automjet tip furgon me drejtues shtetasin I. M., është përplasur me automjetin me drejtues shtetasen L. T. Si pasojë e përplasjes është lënduar shtetasi I. M., i cili ndodhet nën kujdesin e mjekëve, jashtë rrezikut për jetën.
Edhe për këtë askident dyshohet se shkak është bërë moti i keq që ka përfshirë vendin dhe shumë akse rrugore janë me rrezik për të lëvizur. Gjithsesi, grupi hetimor ndodhet në vendngjarje dhe po punon për sqarimin e rrethanave të aksidentit. Kujtojmë se gjatë pasdites ka nodhur një aksident në Tepelenë me pasojë vdekjen dhe një tjetër në Vlorë.
