Përçarja mes PS-së dhe LSI-së sa vjen dhe bëhet më konkrete. Një tjetër zë brënda Partisë Socialiste ka dalë kundër koalicionit me LSI. Deputeti i PS-së Pjerin Ndreu nga Puka shprehu dëshirën për krijimin e një qeverie vetëm me ministra socialistë.
“Të jemi bashkë në një fitore të madhe të Partisë Socialiste të Shqipërisë me 18 qershor, me Edi Ramen kryeministër, me qeveri të plotë të Partisë Socialiste dhe me një shumicë dermuese në grupin parlamentar me më shumë se 71 deputetë. Ky është një zotim që ne e kemi marr në Pukë, në Shkodër dhe gjithë Shqipërinë” tha Ndreu gjatë takimit më të rinjtë socialistë në qytetin e Pukës.
