Nga Ergys Mërtiri
Ishit të varfër atëherë, të rreckosur, të paparë, të pangrënë, të mjerë! Sot shumë prej jush jetojnë në Kanada, SHBA, Zvicër, Angli. Sot keni shtëpi të mirë, makinë dhe shijoni të mirat e kapitalizmit, por zemra ju qan për halenë e shokut Enver. Vërtetë ishte e vogël, qelbur e kutërbuese, ama ishte koteci ku dëgjohej kënga juaj, qenefi ku ndjehej vetëm era juaj.
Ai regjim ju vuri ju dhe baballarët tuaj në krye. Ju dha nga një shkop në dorë a një kobure në brez, ju bëri xhandarë e oficerë, dhe iu delegoi kompetencën të rrihni e terrorizoni miletin. Ndiheshit mirë në atë kohë sepse ishit kamzhiku i pushtetit. Ju mori nga baltërat dhe ju vuri në krye, duke ju bërë të ndjeheshit të rëndësishëm.
Sot i keni të gjitha të mirat dhe mund të kënaqni dëshirat tuaja që as keni mundur t’i ëndërroni dot më parë. Por ama nuk jeni të lumtur, sepse sot askujt nuk i plas më për ju. Zemra ju qan për halenë e dikurshme, ku, ndjeheshit të rëndësishëm. Ndaj dhe ëndërroni për erën e qelbur të asaj, ku ju ishit jashqitja e pushtetit. Sot, era juaj mund të neverisë shumkënd rreth e rrotull, por ama nuk frikëson dot më njeri.
Kjo ju dëshpëron, ndaj dhe jeni histerikë!
