Pedagogia e njohur Majlinda Keta solidarizohet në këto ditë të vështira me gazetarët, të cilët pavarësisht situatës së koronavirusit u duhet të jenë në terren që lajmi të arrijë në shtëpinë e çdo familje.
Ndryshe nga qytetarët e tjerë që në këto kushte u duhet të rrinë në shtëpi shkruan pedagogia Keta, gazetarët duhet të lënë familjet e tyre për të dalë në terren, në redaksi apo dhe studio.
Shkrimi i plotë i pedagoges Majlinda Keta:
Per gazetaret
Jave plot shendet dhe te paqme pacim brenda dhe jashte shtepive tona!
Sot mund t’i japim nje urim shendetit te gazetareve qe ne kushte jo si tonat, qe rrijme ne shtepi, jane ne terren, redaksi, nga shtepite e tyre vetem e vetem qe informacioni per ne te mos futej ne karantine, “te mos i fikeshin dritat” e mendjes dhe syrit tone ne nje dite qe pa ju nuk do te di si mund te ishte.
Tek ju eshte mendja jone, syri por tek ju “ shohim” edhe kur mendja perhumbet…. Mbi te gjitha ju jeni perpara syve dhe shpirtit te femijeve me shume forma, nga argetimi tek lajmi e mesimi.
Tashme e kemi pranuar te gjithe qe edhe nga ju varet ruajtja e shendetit tone, sidomos ai mendor, mbase tashme me i rendesishmi per javen qe nisem.
Karantina ndryshoi diten tuaj profesionale ne cdo komponent, sjelljet por dhe profesionin tuaj. Ashtu si mesimi online e arsimit ju hyni prej kaq javesh si asnjehere ne aq shume ore ne ditet dhe shtepite e cdo shqiptari.
Shqipja permes jush u be kuratore e kesaj karantine dhe fale jush ajo solli boten anticovid tek ne. Kjo mundesohet nga ju dhe vetem nga ju.
Fale jush ne kemi njohur EDHE se sa shume studjues dhe mjeke paskeshim patur neper bote……. dhe ne sot i “ gezojme” ekspertizat e tyre online. Ju i kerkoni , i gjurmoni qe se bashku te shtoni kujdesin per ne.
Kujdes per veten tuaj gazetare te nderuar, shendeti juaj eshte shume i vlefshem dhe per ne, mos neglizhoni masat mbrojtese se pas pune ju jeni ne familjet tuaja, jeni te shtrenjtet e tyre. Speciale jane urimet per shendetin e zonjave te medias ne terren, redaksi, studio dhe online.
Ju lutem vijoni te sillni lajmin me te verteten qe vetem instikti i nenes nuk e gabon; me shpirtin e nenes qe i mendon te gjithe dhe i dhembin te gjithe por dhe me “embelsine” e gjuhes qe vetem nenat dijne ta prodhojne ndonese hidhesia mund te jete shijuar nga ajo e para.
Shendet dhe respekt per ju gazetare!
