PDIU dhe Shoqata “Çamëria” marshuan drejt varrezave të Kllogjerit, atje ku prehen eshtrat e popullsisë çame të masakruar nga genocidi grek. Kryetari i PDIU-së dhe deputetët e tjerë të kësaj partie bashkë me drejtues të Shoqatës “Çamëria” të shoqëruar nga një numër i madh njerëzish, shkuan për të bërë homazhe pranë memorialit të varrezave të popullsisë çame.
Marshimi dhe përshpirtja u bë në kujtim të atyre shqiptarëve që lanë jetën prej genocidit grek në fund të Luftës së Dytë Botërore.
Në fjalën e tij kreu i PDIU-së, Shpëtim Idrizi dhe drejtues të tjerë të kësaj partie folën për zgjidhjen e Çështjes Çame duke theksuar të gjitha përpjekjet e kohëve të fundit që janë bërë në këtë drejtim. Tashmë Çështja Çame është pjesë e agjendës së bisedimeve të përfaqësuesve të qeverisë shqiptare me homologët e tyre grekë dhe askush nuk ka më asnjë inferioritet për të kërkuar zgjidhjen e Çështjes Çame.
Drejtuesit e PDIU-së dhe ata të Shoqatës “Çamëria” shprehen optimistë për zgjidhjen e Çështjes Çame duke ritheksuar se nuk do të ndalen deri në zgjidhjen përfundimtare të saj.
