Partia Drejtësi, Integrim dhe Unitet ka reaguar pas kërkesës së PD në Komisionin Qendror të Zgjedhjeve për t’i hequr mandatin deputetit Aqif Rakipi.
PDIU deklaron se Rakipi është verifikuar dhe stërverifikuar nga institucionet ligjzbatuese për drekriminalizimin.
Ndërsa këtë qëndrim të PD e cilëson si refleketim të dërrmimit të kësaj force në Qarkun e Elbasanit, e që Basha kërkon ta transferojë diku tjetër
Deklarata e plotë e PDIU
Është për të ardhur keq që dramën e humbjes me pazar të zgjedhjeve dhe mbi të gjitha dërrmimin e tij në Qarkun e Elbasanit, Lulzim Basha, kërkon ta transferojë diku tjetër.
Aqif Rakipi është verifikuar dhe stërverifikuar nga institucionet ligjzbatuese për drekriminalizimin dhe zyrtarisht Interpoli dhe Prokuroria kanë deklaruar se nuk ka të dhëna për implikimin e tij. Ai është deputet për herë të dytë, me një mbështetje të madhe në Elbasan dhe duket se kjo është halë në sy për Partinë Demokratike, që rrezikon të mbetet fuqi e tretë politike në atë qark.
Partia Drejtësi, Integrim dhe Unitet i bën thirrje Lulzim Bashës të mos transferojë problemet e brendshme diku tjetër dhe të mos vazhdojë me nenin e agjitacion-propagandës të komunizmit, por të kuptojë se në shtetin ligjor ka detyrimin të paraqesë fakte dhe jo të detyrojë 37
deputetë të firmosin fletërrufe për të ushtruar trysni ndaj prokurorisë.
Rakipi ka qenë dhe mbetet i hapur për çdo investigim, sa herë këtë ta kërkojë kushdo, por shpifjet nuk mund të përbëjnë elementë të jetës politike të vendit tonë.
