Partia Demokratike ka hedhur akuza mbi kryeministrin Rama se ai donte të kapte drejtësinë për të mbrojtur vëllain e Fatmir Xhafës, që sipas PD është i përfshirë në trafik droge.
Në një deklaratë për mediat nga selia blu, zëdhënësja Ina Zhupa tha se dyshja Rama-Xhafaj, kërkojnë të pastrojnë dosjet e krimit dhe dosjet e drogës.
Zhupa, duke iu referuar një vendimi gjykate sqaron edhe pozicionin që Agron Xhafaj kishte në trafikun e drogës. Sipas saj Agron Xhafaj siguronte transportin në Itali dhe shpërndarjen për partnerë të tjerë për të kryer më pas, edhe veprimtarinë e shitjes në Bolonja.
Deklaratë e Zëdhënëses së PD Ina Zhupa
Kërkesa e Gjykatës së Lartë të Venezuelës për grupin ndërkombëtar të trafikut të drogës, ku protagonist është Agron Xhafaj, vëllai i Fatmir Xhafës, zbulon dhe motivin pse kërkohej patjetër kapja e drejtësisë dhe e institucioneve kryesore të pushtetit të tretë.
Pse kërkohej me cdo kusht që gjyqtarët e prokurorët të ishin nën urdhërat e kupolës së Rama-Xhafaj, në mënyrë që të pastrohen dosjet e krimit, dosjet e drogës.
Ky vendim gjykate sqaron pozicionin e vëllait të kryetarit të komisionit për reformën në drejtësi, një pozicion kyc në bandën e trafikut ndërkombëtar të drogës me aktivitet në Itali, Shqipëri, SHBA, Kanada dhe Poloni.
Agron Xhafaj siguronte transportin në Itali dhe shpërndarjen për partnerë të tjerë për të kryer më pas, edhe veprimtarinë e shitjes në Bolonja. Në Bolonja, ata kishin shitësit e vet dhe menaxherët e rrjetit. Agron Xhafaj ndihmohej nga një njeri i besuar i tij. Këto fakte janë verifikuar deri në dhjetor 2001.
Një shtetas polak dhe Agron Xhafaj, sipas programit të veprimit të organizatës kriminale kanë dhënë dhe kanë marrë substanca narkotike të llojit heroinë.
Heroina, marijuana dhe hashashi transportohej nga Shqipëria drejt Italisë, duke vijuar pastaj me shpërndarjen e drogës në Itali përmes një rrjeti të trafikantëve shqiptarë, të cilët kishin krijuar bazat logjistike në vende të ndryshme në veri të Italisë (ndër të cilat Parma, Bolonja, dhe Venezia) me degë në Itali dhe SHBA.
Në Itali, droga shkonte sipas nevojave të filialeve dhe konkretisht nga Agron Xhafaj shpërndahej në Bolonja.
Kështu përshkruhet aktiviteti i vëllait të të Fatmir Xhafës, i caktuar nga Edi Rama për të bërë Reformën në Drejtësi.
A ka konflikt më të pastër interesi se sa ky?
Pse nuk flet Fatmir Xhafaj për këtë rast?
Pse hesht Edi Rama?
Hesht sepse për Edi Ramën që ka mbuluar Shqipërinë me drogë, ky nuk është një krim. Hesht sepse vetë gjendet në krye të skemës së 30 përqind të parave për cdo rrënjë kanabis.
Po Shqipëria do të ketë drejtësi. Shqipëria do të pastrohet nga droga. Shqipëria është më mirë pa Edi Ramën.
