Ish-deputeti i PD-së, Enkelejd Alibeaj, i është përgjigjur deklaratave të kryeministrit Edi Rama për bashkëpunimin me opozitën në situatën e pandemisë.
Alibeaj nëpërmjet një postimi në rrjetet sociale shkruan se Edi Rama bën korrupsion tani, kur shqiptarët po vuajnë për bukën e gojës, kur mjekët përballen të pambrojtur, kur policët duhet të sigurojnë vetë maska e doreza.
Ai thekson se si cdo opozitë në një vend demokratik interesi i PD është jeta dhe shëndeti i qytetarëve.
POSTIMI I PLOTË
Edi Rama bën korrupsion tani, kur shqiptarët po vuajnë për bukën e gojës, kur mjekët përballen të pambrojtur, kur policët duhet të sigurojnë vetë maska e doreza. Pikërisht në këtë situatë Rama nuk heq dorë nga vjedhja dhe abuzimi.
Ndaj për këte Edi Ramës i duhet që opozita të heshtë dhe të mos flasë për testimet e munguara, për mjekët e infektuar, për fasoneritë që janë kthyer në vatra infeksioni, për mungesën e parave që duhet t’u shpërndaheshin qytetarëve.
Si cdo opozitë në një vend demokratik, Lulzim Basha dëshmoi se interesi i PD ishte jeta dhe shëndeti i qytetarëve. Edhe pse opozita u përball me sulme të vazhdueshme politike ajo vazhdoi të verë interesin e qytetarëve mbi cdo interes partiak.
Shihni videon e mëposhtme për të kuptuar se cili ka qenë qendrimi i opozitës dhe cili i Edi Ramës gjatë kësaj kohe.
https://www.facebook.com/EnkelejdAlibeaj/videos/519100818756481/?t=0
