Partia Demokratike publikon një material audio ku vëllai i Ministrit të Brendshëm Agron Xhafaj komunikon me një trafikant, ndërsa Fatmir Xhafaj ishte në detyrë.
Enkelejd Alibeaj dhe Ervin Salianji kanë publikuar një përgjim audio, mes vëllait të ministrit dhe një tjetër personi të quajtur “Bashkëpunëtori X”.
Në të kaluarën “Bashkëpunëtori X” dhe Agron Xhafaj kanë punuar së bashku në trafikun e drogës, por kur “Bashkëpunëtori X” u dënua me burg në Itali, Agron Xhafaj nuk u interesua kurrë për të. Takimi mes tyre zhvillohet oasi “Bashkëpunëtori X” ka dalë nga burgu, ka ardhur në Shqipëri dhe i kërkon ndihmë Agron Xhafajt t’i gjejë ngarkesë me kanabis dhe ta punësojë si skafist për të bërë rrugë Italie, sepse ka mbetur pa para.
“Dëgjo, hera e parë dhe e fundit dhe mos na bjer më në qafë. Se po na sulmojnë shumë ore. Shiko dhe vllanë (Fatmir Xhafaj). Shumë fare po na sulmojnë. Të jetë hera e parë dhe e fundit”, janë disa nga fjalët e vëllait të ministrit.
VIDEO
https://www.facebook.com/partiademokratike/videos/10156291979004909/
Sipas Alibeaj janë 3 fakte të rëndësishme se si Xhafaj ka shkelur ligjin për të penguar çdo veprim për ekstradimin e vëllait të tij, Agron Xhafaj.
“Janë 3 fakte të rëndësishme sesi Fatmir Xhafaj, në detyrën e Ministrit të Brendshëm shkeli ligjin duke penguar cdo veprim për ekstradimin e të vëllait”, thotë Alibeaj
“Dje e pyetëm ministrin e Brendshëm e vazhdon Agron Xhafaj aktivitetin kriminal të trafikut të drogës. Arsyet pse hesht janë se vëllai i tij nuk bën një jetë normale, po një nga bosët më të fuqishëm të trafikut të drogës në Shqipëri që koordinon dhe drejton një grup kriminal”, tha Salianji.
